ایران کےخلاف جنگ ہماری جنگ نہیں، اس کا حصہ نہیں بنیں گے، برطانوی وزیراعظم

برطانوی وزیراعظم کیئراسٹامر نے کہا ہے کہ برطانوی فوجی ایران میں زمینی کارروائی کے لیے تعینات نہیں کیے جائیں گے۔
لندن میں میڈیاسے گفتگوکے دوران ایک سوال کے جواب میں برطانوی وزیراعظم نے کہاکہ وہ مشرق وسطیٰ میں جنگ کے لیے برطانوی فوجی بھیجنے پر غور نہیں کررہے کیونکہ یہ ہماری جنگ نہیں ہے اور ہم اس میں نہیں الجھیں گے۔
برطانوی وزیراعظم نے تنازع کے دوران اپنے مؤقف کا دفاع کرتے ہوئے کہا کہ ہم خطے میں اپنے شہریوں اوراپنےاتحادیوں کے مفادات کا تحفظ کرنے کے لیے دفاعی اقدامات کر رہے ہیں۔۔
اسٹامر نے کہا کہ برطانیہ اپنے مفادات کا دفاع جاری رکھے گا اور آبنائے ہرمز کو دوبارہ کھلوانے کے لیے کام کرے گا۔ لیکن ساتھ ہی انھوں نے یہ بھی کہا کہ ہم اس جنگ میں نہیں گھسیٹے جائیں گے۔