جنوبی لبنان میں حزب اللہ کے حملے،ایک اسرائیلی فوجی ہلاک، متعدد زخمی

اسرائیلی فوج نے اعلان کیا ہے کہ جنوبی لبنان میں حزب اللہ کے راکٹ حملے میں ایک اسرائیلی فوجی ہلاک ہو گیا۔

ہلاک ہونے والے فوجی کی شناخت 22 سالہ سارجنٹ موشے یتزحاق کاٹز کے نام سے ہوئی ہے، جو پیراٹروپرز بریگیڈ کی 890ویں بٹالین سے تعلق رکھتا تھا اور امریکی ریاست کنیکٹی کٹ کے شہر نیو ہیون کا رہائشی تھا۔

اسرائیلی فوج کے مطابق جمعے اور ہفتے کی درمیانی شب ہونے والے اس حملے میں مزید تین اہلکار زخمی ہوئے جنہیں علاج کے لیے اسپتال منتقل کر دیا گیا۔

اسرائیلی فوج نے اس سے قبل بتایا تھا کہ اسی رات حزب اللہ کے ایک علیحدہ حملے میں مزید 20 فوجی زخمی ہوئے تھے۔