یوکرین کے سعودی عرب،قطر سےمعاہدے، ڈرون سے دفاع کی ٹیکنالوجی میں اشتراک ہوگا

یوکرین کے صدر ولادیمیر زیلنسکی نے سعودی عرب اور قطر کے ساتھ الگ الگ دفاعی معاہدوں پر دستخط کیے ہیں۔سعودی عرب کے ساتھ  معاہدے کے تحت یوکرین ڈرون سے دفاع کی مہارت اور ٹیکنالوجی شیئر کرے گا۔

یوکرینی صدر کا کہنا ہے کہ سعودی عرب کو ایران کی جانب سے اسی طرز کے بیلسٹک میزائل اور ڈرون حملوں کا سامنا ہے جس کا یوکرین کو روس کی جانب سے گذشتہ چار سال سے زائد عرصے سے سامنے ہے۔

زیلنسکی کا کہنا تھاکہ ہم سعودی عرب کے ساتھ اپنی مہارت اور نظام کا اشتراک کرنے اور جانوں کے تحفظ کو مضبوط بنانے کے لیے مل کر کام کرنے کے لیے تیار ہیں۔‘

بعد ازاں زیلنسکی قطر پہنچنے جہاں انہوں نے ایک دفاعی معاہدے پر دستخط کیے۔

قطر سے معاہدے کے تحت دونوں ملک میزائل اور ڈرون خطرات سے نمٹنے میں مہارت کا اشتراک کر سکیں گے۔قطر کی وزارت دفاع کی جانب سے جاری بیان کے مطابق  فریقین نے خطے کی سیکیورٹی اورمختلف دفاعی شعبوں میں تعاون پر تبادلہ خیال کیا۔