ہمارے دشمنوں کواپنی سرزمین استعمال نہ کرنے دیں، ایرانی صدرکا خطے کے ممالک کوپیغام

ایران کے صدر مسعود پزشکیان نےخطے کے ممالک کے نام جاری ایک پیغام میں کہا ہے کہ اگر آپ ترقی اور سکیورٹی چاہتے ہیں تو ہمارے دشمنوں کو جنگ کے لیے اپنی سرزمین استعمال نہ ہونے دیں۔

سوشل مڈیاپر پیغام میں ایرانی صدر کا کہنا تھاکہ ہم کئی بار کہہ چکے ہیں کہ ایران کبھی پیشگی حملے نہیں کرتا، لیکن اگر ہمارے بنیادی ڈھانچے یا اقتصادی مراکز کو نشانہ بنایا گیا تو ہم اس کا بھرپور جواب دیں گے۔

گذشتہ روز امریکااور اسرائیل نے اصفہان اور خوزستان میں مبارکہ اسٹیل انڈسٹریز کے ساتھ ساتھ اردکان یلو کیک پروڈکشن پلانٹ اورخندب میں ہیوی واٹر فیسیلٹی سمیت کئی اہم ایرانی تنصیبات کو نشانہ بنیا تھا۔ جواب میں ایران نے کویت کے بین الاقوامی ہوائی اڈے اور سعودی عرب کے شہزادہ سلطان ایئر بیس پر حملے کیے جن میں متعدد افراد زخمی ہونے کی اطلاعات ہیں۔