جنگ بندی سے متعلق کوئی تجویز زیر غور نہیں، ایرانی رکن پارلیمنٹ کا دوٹوک مؤقف

ایران نے جنگ بندی سے متعلق خبروں کو مسترد کرتے ہوئے واضح کیا ہے کہ کسی بھی سطح پر ایسی کوئی تجویز زیر غور نہیں۔ ایرانی رکن پارلیمنٹ یعقوب رضازادہ نے کہا ہے کہ جنگ کے خاتمے کے لیے نہ تو مذاکرات ہو رہے ہیں اور نہ ہی کوئی پیشکش کی گئی ہے۔

ان کا کہنا تھا کہ سفارتی اداروں، حکومتی سطح یا مسلح افواج میں سے کسی نے بھی جنگ بندی کے حوالے سے کوئی قدم نہیں اٹھایا۔ انہوں نے ان دعوؤں کو امریکی صدر ڈونلڈ ٹرمپ کی جانب سے نفسیاتی دباؤ ڈالنے کی کوشش قرار دیا۔

یعقوب رضازادہ نے کہا کہ ایسی خبریں بے بنیاد ہیں اور انہیں امریکی صدر ڈونلڈ ٹرمپ کی جانب سے نفسیاتی جنگ کا حصہ قرار دیا۔