ایران کی آبنائے ہرمز میں جہازوں کونقصان پہنچانے کی صلاحیت کم کردی، امریکی فوج کا دعویٰ

امریکی فوج نے دعویٰ کیاہے کہ ایران کے زیرِ زمین ہتھیاروں کے مرکز پر بمباری کے بعد ایران کی آبنائے ہرمز میں جہازوں کو خطرہ پہنچانے کی اصلاحیت کم ہو گئی ہے۔

امریکی فوج کی سینٹرل کمانڈکے سربراہ ایڈمرل بریڈ کوپر نے ایک ویڈیو پیغام میں دعویٰ کیا کہ امریکا نے نہ صرف اس تنصیب کو تباہ کیا بلکہ وہ مقامات بھی نشانہ بنائے جو جہازوں کی نقل و حرکت پر نظر رکھنے کے لیے استعمال ہوتے تھے۔

ایڈمرل کوپرکے مطابق اس کارروائی کے بعد ایران کی خطے میں جہاز رانی کو خطرے میں ڈالنے کی صلاحیت کمزور ہوئی ہے ۔ امریکا ایسے اہداف کو نشانہ بنانا جاری رکھے گا۔

سینٹکام کے مطابق امریکا اب تک ایران کے آٹھ ہزار سے زائد فوجی اہداف کو نشانہ بنا چکا ہے جن میں 130 ایرانی بحری جہاز بھی شامل ہیں۔