ایران جنگ میں امریکا کو بڑا دھچکا، 16 طیارے تباہ ہونے کا چونکا دینے والا انکشاف

امریکی خبر رساں ادارے بلومبرگ کے مطابق ایران کے خلاف جاری جنگ میں امریکا کو شدید فضائی نقصان کا سامنا کرنا پڑا ہے۔

رپورٹ کے مطابق اب تک 16 امریکی طیارے تباہ ہو چکے ہیں، جن میں 10 ریپر ڈرونز شامل ہیں، جبکہ 6 دیگر جنگی طیاروں کو شدید نقصان پہنچا ہے۔مزید معلومات کے مطابق تین امریکی جنگی طیارے کویت کی فضاؤں میں تباہ ہوئے، جن کے بارے میں دعویٰ کیا گیا کہ یہ ممکنہ طور پر فرینڈلی فائر کے شکار ہوئے۔اسی دوران ایک KC-135 ری فیولنگ طیارہ دورانِ پرواز حادثے کا شکار ہوا، جس میں سوار عملے کے تمام 6 افراد ہلاک ہو گئے۔