امریکا کے اتحادی ممالک آبنائے ہرمز کو محفوظ بنانے کے لیے مدد کو تیار
Web Desk
20 March 2026
برطانیہ، فرانس، جرمنی، اٹلی، ہالینڈ، جاپان اور کینیڈا کے رہنماؤں نے آبنائے ہرمز کو محفوظ بنانے کے لیے تعاون اور مدد کا پیغام جاری کیا ہے۔
برطانوی نشریاتی ادارے کے مطابق بیان میں ایران سے مطالبہ کیا گیا ہے کہ وہ اپنی دھمکیوں، بارودی سرنگیں بچھانے، ڈرون اور میزائل حملے، اور آبنائے ہرمز کو بند کرنے کی کوششیں فوری طور پر بند کرے۔ رہنماؤں نے آبنائے ہرمز سے جہازوں کی محفوظ نقل و حمل کو یقینی بنانے کے لیے کی جانے والی کوششوں میں حصہ ڈالنے کی آمادگی بھی ظاہر کی ہے۔یہ مشترکہ بیان امریکی صدر ڈونلڈ ٹرمپ کے بیان کے بعد سامنے آیا جس میں انھوں نے نیٹو ممالک کی جانب سے آبی گزرگاہ کو محفوظ بنانے میں واشنگٹن کی مدد سے انکار کو احمقانہ قرار دیا تھا۔ جاپان کے علاوہ تمام دستخط کنندگان نیٹو کے رکن ممالک ہیں۔بیان میں مطالبہ کیا گیا کہ ایران تمام بنیادی شہری انفراسٹرکچر، بشمول تیل اور گیس کی تنصیبات پر حملے فوری طور پر بند کرے کیونکہ آبنائے ہرمز میں ایران کی مداخلت بین الاقوامی امن اور سلامتی کے لیے خطرہ ہے۔اطالوی وزیر دفاع گیڈو کروسیٹو نے سوشل میڈیا پر کہا کہ یہ کسی قسم کا جنگی مشن نہیں ہے۔دوسری جانب، انٹرنیشنل میری ٹائم آرگنائزیشن (IOM) کا تین روزہ اجلاس ختم ہوا، جس میں سربراہ وکٹر جمنیز فرنانڈیز نے اعلان کیا کہ اگلے ہفتے ایران اور علاقائی طاقتوں کے ساتھ مذاکرات شروع کیے جائیں گے تاکہ آبنائے ہرمز کو دوبارہ کھولنے اور تجارتی جہازوں کی محفوظ آمدورفت کے لیے فریم ورک تیار کیا جا سکے۔
فرنانڈیز نے کہا کہ خطے کا کوئی ملک مذاکرات سے باہر نہیں ہوگا اور پورے خطے کو ایک ساتھ کام کرنا ہوگا تاکہ محفوظ حل تلاش کیا جا سکے۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026