امریکا امارات کو پیٹریاٹ میزائل سمیت 7 ارب ڈالر کے ہتھیار فروخت کرے گا: امریکی اخبار

امریکی اخبار کے مطابق امریکا نے متحدہ عرب امارات کو تقریباً 7 ارب ڈالر مالیت کے ہتھیار فروخت کرنے کا فیصلہ کر لیا ہے اور اس کی باقاعدہ منظوری بھی دے دی گئی ہے۔

رپورٹ میں بتایا گیا ہے کہ اس پیکج میں 5.6 ارب ڈالر کے پیٹریاٹ میزائل سسٹمز اور 1.3 ارب ڈالر کے جدید جنگی ہیلی کاپٹر شامل ہوں گے۔امریکا اس سے قبل بھی خلیجی ممالک کو 16.5 ارب ڈالر مالیت کے ہتھیار فروخت کرنے کا اعلان کر چکا ہے، جس سے خطے میں دفاعی سرگرمیوں میں اضافہ متوقع ہے۔

یاد رہے کہ حال ہی میں امریکی صدر ڈونلڈ ٹرمپ اور متحدہ عرب امارات کے صدر شیخ محمد بن زاید النہیان کے درمیان ٹیلیفونک رابطہ ہوا تھا جس میں ایران کے حملوں اور خطے کی کشیدہ صورتحال پر تبادلہ خیال کیا گیا۔دونوں رہنماؤں نے امارات میں شہریوں اور اہم تنصیبات پر حملوں کی مذمت بھی کی۔