ملک بھر سے آج مشرق وسطیٰ کی 40 پروازیں منسوخ

کراچی/اسلام آباد: پاکستان سے مشرقِ وسطیٰ کے لیے معطل شدہ فلائٹ آپریشن میں بتدریج بہتری آنا شروع ہو گئی ہے، تاہم اب بھی شیڈولنگ کے مسائل کے باعث ملک بھر سے مشرقِ وسطیٰ کی 40 پروازیں منسوخ کر دی گئی ہیں۔

ایئرپورٹ ذرائع کے مطابق، العین سے لاہور، اسلام آباد اور پشاور کے لیے 10 پروازوں کی آمد متوقع ہے، جبکہ دوحہ سے کراچی، لاہور اور اسلام آباد کے لیے پروازیں شیڈول کے مطابق آپریٹ ہو رہی ہیں۔ منسوخ ہونے والی پروازوں میں سب سے زیادہ تعداد کراچی کی ہے جہاں سے دوحہ، بحرین، ابوظہبی اور دبئی کی 13 پروازیں آپریٹ نہیں ہو سکیں۔

اس کے علاوہ لاہور سے 8، اسلام آباد سے 7، پشاور سے 10 اور ملتان ایئرپورٹ سے مشرقِ وسطیٰ کی 2 پروازیں منسوخ کی گئی ہیں۔ حکام کا کہنا ہے کہ حالات بہتر ہونے کے ساتھ ساتھ پروازوں کا سلسلہ دوبارہ معمول پر لانے کی کوششیں کی جا رہی ہیں تاکہ مسافروں کی پریشانی میں کمی لائی جا سکے۔