فیلڈ مارشل کی علمائے کرام سے ملاقات، قومی اتحاد اور معاشرتی ہم آہنگی کے فروغ پر زور
Web Desk
19 March 2026
راولپنڈی: چیف آف ڈیفنس فورسز فیلڈ مارشل سید عاصم منیر نے اہل تشیع علمائے کرام سے ایک اہم ملاقات کی ہے، جس میں ملکی سلامتی، فرقہ وارانہ ہم آہنگی اور علاقائی صورتحال پر تفصیلی تبادلہ خیال کیا گیا۔ پاک فوج کے شعبہ تعلقات عامہ (ISPR) کے مطابق، ملاقات میں گمراہ کن معلومات، فرقہ واریت اور بیرونی سازشوں کا مقابلہ کرنے کی ضرورت پر زور دیا گیا۔
فیلڈ مارشل سید عاصم منیر نے واضح کیا کہ کسی بھی دوسرے ملک میں ہونے والے واقعات کی بنیاد پر پاکستان میں تشدد یا مذہبی جذبات کو بھڑکانے کی اجازت نہیں دی جائے گی۔ انہوں نے آپریشن ‘غضب للحق’ کا حوالہ دیتے ہوئے دوٹوک مؤقف اختیار کیا کہ پاکستان اپنی سرزمین کے خلاف دہشت گردی کے لیے افغان سرزمین کے استعمال کو ہرگز برداشت نہیں کرے گا۔ انہوں نے افغان طالبان پر زور دیا کہ وہ اپنی سرزمین کو دہشت گردی کے لیے استعمال ہونے سے روکیں، اور عزم ظاہر کیا کہ دہشت گردوں اور ان کے سہولت کاروں کے خلاف جہاں بھی ٹھکانے ہوئے، مؤثر کارروائیاں جاری رہیں گی۔
علمائے کرام نے مذہب کے نام پر تشدد کی سخت الفاظ میں مذمت کرتے ہوئے ملک میں امن و استحکام کے لیے قانون نافذ کرنے والے اداروں کے ساتھ مکمل تعاون کی یقین دہانی کرائی۔ فیلڈ مارشل نے علما کے مثبت کردار کو سراہتے ہوئے کہا کہ اتحاد، برداشت اور قومی یکجہتی کے فروغ میں ان کا کردار کلیدی ہے۔
متعلقہ عنوانات
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز
19 November 2026
شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر
19 November 2026
ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ
19 November 2026
خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ
19 November 2026
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت
19 November 2026
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
ریاض کے فنانشل ڈسٹرکٹ ٹاور پر حوثیوں کا میزائل حملہ
19 November 2026
نیتن یاہو کی ایران کے خلاف نئی فوجی کارروائی کیلئے کوششیں تیز
19 November 2026