شوال کا چاند دیکھنے کیلئے مرکزی رویت ہلال کمیٹی کا اجلاس آج ہوگا

اسلام آباد: پاکستان میں شوال المکرم 1447 ہجری کا چاند دیکھنے کے لیے مرکزی رویت ہلال کمیٹی کا اہم اجلاس آج (بروز جمعرات) اسلام آباد میں منعقد ہو رہا ہے۔ اجلاس کی صدارت چیئرمین مولانا سید عبدالخبیر آزاد کر رہے ہیں، جس میں وزارت مذہبی امور کے حکام، محکمہ موسمیات کے نمائندے اور کمیٹی ارکان شریک ہیں۔

ملک بھر میں زونل کمیٹیوں کے اجلاس بھی اپنے اپنے متعلقہ شہروں میں جاری ہیں، جہاں سے موصول ہونے والی شہادتوں کی بنیاد پر مرکزی کمیٹی چاند کی رویت کا حتمی اعلان کرے گی۔ تاہم، قومی خلائی ادارے ‘سپارکو’ نے آج چاند نظر نہ آنے کی پیش گوئی کی ہے۔

دوسری جانب، سعودی عرب، متحدہ عرب امارات اور قطر نے اعلان کیا ہے کہ وہاں شوال کا چاند نظر نہیں آیا، جس کے باعث ان ممالک میں 30 روزے مکمل کیے جائیں گے اور عید الفطر 20 مارچ (بروز جمعہ) کو منائی جائے گی۔ اس کے برعکس، افغانستان میں گزشتہ رات چاند کی شہادتیں موصول ہونے کے بعد آج عید الفطر منائی جا رہی ہے۔ پاکستان میں عید کا فیصلہ آج رات موصول ہونے والی شہادتوں پر منحصر ہے۔