اڈیالہ جیل میں عمران خان کا طبی معائنہ، پمزاسپتال کے ڈاکٹرزکی ٹیم واپس روانہ

اڈیالہ جیل میں پمز اسپتال کے ڈاکٹرز نے بانی پی ٹی آئی عمران خان  کا طبی معائنہ کیا۔بانی پی ٹی آئی کے  طبی معائنے کیلیے پمز اسپتال کے ڈاکٹر عارف اور شفا آئی ٹرسٹ کے ڈاکٹر ندیم کے ہمراہ ٹیم اڈیالہ جیل پہنچی۔

میڈیکل ٹیم کو جیل اسپتال کے طبی عملے کا تعاون حاصل رہا۔ اس کے بعد ماہرین نے طبی معائنہ مکمل کیا اور تمام ارکان واپس چلے گئے۔میڈیکل ٹیم طبی معائنےکے حوالے سے اپنی رپورٹ مرتب کر کے کمشنر اسلام آباد کو پیش کرے گی جس کی روشنی میں عمران خان  کو اسپتال منتقل کرنے یا نہ کرنے کے حوالے سے سفارش کی جائے گی۔