LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار ریاض کے فنانشل ڈسٹرکٹ ٹاور پر حوثیوں کا میزائل حملہ نیتن یاہو کی ایران کے خلاف نئی فوجی کارروائی کیلئے کوششیں تیز کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان

پی ٹی آئی کا عید کے بعد ‘بانی پی ٹی آئی رہائی امن موومنٹ’ شروع کرنے کا اعلان، وزیراعلیٰ کے پی قیادت کریں گے

Web Desk

18 March 2026


اسلام آباد: پاکستان تحریک انصاف کے سیکرٹری جنرل سلمان اکرم راجہ اور صوبائی صدر خیبرپختونخوا جنید اکبر خان نے مشترکہ پریس کانفرنس میں بانی پی ٹی آئی کی رہائی کے لیے پرامن تحریک کے آغاز کا اعلان کر دیا۔

رہنماؤں کا کہنا تھا کہ “بانی پی ٹی آئی رہائی امن موومنٹ” عید کے بعد باقاعدہ طور پر شروع کی جائے گی، جبکہ اس کی قیادت خیبرپختونخوا کے وزیر اعلیٰ سہیل آفریدی کریں گے۔ تحریک کے مرکزی اور ضلعی رہنماؤں کے ناموں کا اعلان بھی عید کے بعد کیا جائے گا۔

سلمان اکرم راجہ نے کہا کہ اس تحریک کا مقصد آئین اور قانون کی بحالی، بانی پی ٹی آئی کی رہائی اور ہر پاکستانی کی حقیقی آزادی کا حصول ہے۔ انہوں نے الزام عائد کیا کہ ملک میں جھوٹے مقدمات بنائے گئے اور ہزاروں افراد قید ہیں، جبکہ لوگوں کو ڈرایا اور دھمکایا جا رہا ہے۔

انہوں نے کہا کہ پاکستان کے کروڑوں نوجوان مایوسی کا شکار ہیں، غربت میں اضافہ ہو رہا ہے اور معیشت تباہی کے دہانے پر ہے، ایسے میں ملک کو درست سمت میں لے جانا ہم سب کی ذمہ داری ہے۔

جنید اکبر خان نے کہا کہ یہ ایک مکمل پرامن تحریک ہوگی اور پاکستان تحریک انصاف جمہوری طریقے سے اپنی جدوجہد جاری رکھے گی۔ انہوں نے کہا کہ ریاستی اداروں کی جانب سے دباؤ ڈالا جا رہا ہے، تاہم پارٹی اتحاد اور یکجہتی کا مظاہرہ کرے گی۔

انہوں نے خطے کی کشیدہ صورتحال کا ذکر کرتے ہوئے کہا کہ بانی پی ٹی آئی کی رہائی وقت کی اہم ضرورت ہے، کیونکہ عوام ان کی بات سنتے ہیں اور ملک کو اس وقت مضبوط قیادت کی ضرورت ہے۔

پی ٹی آئی رہنماؤں نے مسلم امہ کے ساتھ اظہار یکجہتی بھی کیا اور ایران سے متعلق حالیہ صورتحال پر افسوس کا اظہار کیا۔