ایران کے بااثر رہنما علی لاریجانی کون تھے؟

شہید علی لاریجانی ایران کے طاقتور مذہبی و سیاسی خاندان سے تعلق رکھنے والے رہنما تھے۔ عراق کے شہر نجف میں پیدا ہونے کے بعد انہوں نے ایران کی پاسداران انقلاب میں شمولیت اختیار کی اور اسلامی جمہوریہ ایران میں اہم سیاسی مقام حاصل کیا۔

لاریجانی نے داخلی اور خارجی سیاست میں طویل عرصے تک بااثر کردار ادا کیا، صدارتی سیاست میں سرگرم رہے اور متعدد بار اہم امیدوار کے طور پر سامنے آئے۔ بطور اسپیکر پارلیمنٹ انہوں نے بارہ سال تک مجلسِ شوریٰ کی قیادت کی۔ علاوہ ازیں ایران کے جوہری پروگرام کے مذاکرات کار کے طور پر بھی وہ جانے جاتے تھے۔

شہید علی لاریجانی کو ایران کی قدامت پسند مگر نسبتاً معتدل سوچ رکھنے والی سیاسی شخصیت کے طور پر جانا جاتا تھا، جنہوں نے ملکی سیاست میں اہم اثر چھوڑا۔