ایرانی میڈیانے علی لاریجانی  كے ہاتھ سے لكھا نوٹ جاری كردیا،شہادت كا اسرائیلی دعویٰ مسترد

ایرانی سركاری میڈیانے ایران كے سیكیورٹی چیف علی لاریجانی كی شہادت كا اسرائیل كا دعویٰ مستردكردیا۔ ایرانی سركاری میڈیاپر جاری علی لاریجانی کے ہاتھ سے لکھے ہوئے نوٹ میں ایرانی بحریہ کے شہدا کو خراج عقیدت پیش کیا گیا۔

ڈاکٹر علی لاریجانی نے کہا کہ ایرانی بحریہ کی قربانیاں عالمی طاقتوں کے خلاف جاری جدوجہد کا اہم حصہ ہیں، شہدا کی یاد ہمیشہ ایرانی قوم کے دلوں میں زندہ رہے گی، قربانیوں سے مسلح افواج کے ڈھانچے کو مزید مضبوطی ملے گی۔

قومی  سلامتی کے سربراہ علی لاریجانی نے واضح کیا کہ ایران اپنی خودمختاری کے دفاع کے لیے ہر قیمت ادا کرے گا۔

واضح رہے كہ اسرائیلی وزیر دفاع اسرائیل کٹز نے دعویٰ کیا تھا کہ اسرائیلی حملوں میں  ایران کے سکیورٹی چیف علی لاریجانی کو قتل کردیا گیا ۔

اسرائیلی وزیر دفاع کے مطابق ایرانی سیکیورٹی چیف علی لاریجانی کوگزشتہ شب کے حملوں میں نشانہ بنایا گیا۔

اس سے قبل اسرائیلی میڈیا کی خبر میں بھی  بتایا گیا تھا کہ اسرائیلی فوج نے علی لاریجانی کو نشانہ بنایا گیاہے۔ تاہم ایرانی میڈیانے فوری طور پران دعووں كی تردید كردی تھی۔