حکومت کا یوم پاکستان کی پریڈ اور تقریبات منسوخ کرنے کا فیصلہ

اسلام آباد: حکومت نے خلیجی تیل بحران اور کفایت شعاری اقدامات کے پیش نظر 23 مارچ 2026 کو ہونے والی یوم پاکستان کی پریڈ اور تمام بڑی تقریبات منسوخ کرنے کا فیصلہ کر لیا۔

وزیراعظم آفس کی جانب سے جاری اعلامیے کے مطابق یہ فیصلہ موجودہ معاشی حالات اور توانائی سے متعلق چیلنجز کو مدنظر رکھتے ہوئے کیا گیا ہے۔اعلامیے میں کہا گیا ہے کہ یومِ پاکستان کو مکمل طور پر منسوخ نہیں کیا جائے گا بلکہ اسے سادگی اور وقار کے ساتھ پرچم کشائی کی محدود تقریبات کے ذریعے منایا جائے گا۔حکومت کے مطابق اس اقدام کا مقصد قومی دن کی اہمیت کو برقرار رکھتے ہوئے کفایت شعاری پالیسی پر عملدرآمد یقینی بنانا ہے۔تمام وزارتوں، ڈویژنز اور سرکاری محکموں کو ہدایت کی گئی ہے کہ وہ اس دن کو سادہ مگر پُروقار انداز میں منائیں تاکہ یومِ پاکستان کا حقیقی پیغام اور قومی جذبہ برقرار رہے۔