“عدالتی حکم کہیں اور سے آیا، بانی پی ٹی آئی کی بیماری چھپائی جا رہی ہے”علیمہ خان

راولپنڈی: علیمہ خانم نے ماربل فیکٹری ناکہ پر میڈیا سے گفتگو کرتے ہوئے بانی پی ٹی آئی سے ملاقاتوں اور ان کے طبی معائنے کے حوالے سے خدشات کا اظہار کیا۔

انہوں نے کہا کہ عدالتوں میں بانی پی ٹی آئی کی فیملی ملاقاتوں اور بچوں سے رابطے پر سوال نہیں اٹھایا جا رہا۔ ان کا کہنا تھا کہ ان کی کسی سے ملاقات نہیں ہوئی اور میڈیا پر چلنے والی خبروں میں صداقت نہیں۔

علیمہ خانم نے بانی پی ٹی آئی کے طبی معائنے کے لیے ماہر ڈاکٹروں کی ٹیم نہ بنانے پر بھی اعتراض کیا اور کہا کہ انہیں مناسب علاج کے لیے اسپتال منتقل کیا جائے۔

انہوں نے کہا کہ عوام کی بڑی تعداد بانی پی ٹی آئی کے ساتھ کھڑی ہے اور ان کی رہائی کے لیے پرامید ہے، جبکہ ملاقات کی اجازت سے متعلق حکام کے فیصلے کا انتظار کیا جا رہا ہے۔