ایران کے تجارت کیلئے مکمل سہولت فراہم کرنے پر شکر گزار ہیں: پاکستانی سفیر

ایران میں تعینات پاکستانی سفیر مدثر علی ٹیپو نے مشرقِ وسطیٰ کی حالیہ سنگین صورتحال اور علاقائی جنگ کے باوجود پاک-ایران تجارت اور ٹرانزٹ سرگرمیوں کے تسلسل پر اطمینان کا اظہار کیا ہے۔ سماجی رابطے کی ویب سائٹ ‘ایکس’ پر جاری ایک بیان میں انہوں نے مشکل حالات میں تجارت کو ہر ممکن سہولت فراہم کرنے پر حکومتِ ایران کا شکریہ ادا کیا۔

پاکستانی سفیر نے واضح کیا کہ پاکستان اور ایران کے درمیان تمام زمینی سرحدیں معمول کے مطابق فعال ہیں اور تجارتی قافلوں کی آمد و رفت بلا تعطل جاری ہے۔