کراچی میں سی ٹی ڈی کی بڑی کارروائی؛ کالعدم بی ایل اے کا اہم کمانڈر سہیل بلوچ عرف ‘گرک’ ہلاک

کراچی میں بلوچستان لبریشن آرمی کے خلاف سی ٹی ڈی نے بڑی کامیابی حاصل کی۔ 17 فروری کو شاہ لطیف ٹاؤن ملیر میں آپریشن کے دوران چار دہشت گرد ہلاک ہوئے، جن میں سے ایک اہم کمانڈر سہیل بلوچ عرف “گرک” شامل تھا۔

سی ٹی ڈی کے مطابق سہیل بلوچ بی ایل اے کے الفتح اسکواڈ کا رہنما اور متعدد دہشت گرد کارروائیوں میں ملوث تھا، جس میں 50 سے زائد سیکیورٹی اہلکار اور شہری ہلاک ہوئے۔ وہ خضدار میں ڈپٹی کمشنر پنجگور زاکر بلوچ کی ٹارگٹ کلنگ میں بھی ملوث تھا۔

اس کارروائی سے کراچی میں ممکنہ بڑے دہشت گرد حملے کا منصوبہ ناکام بنا دیا گیا اور بی ایل اے کے دہشت گرد نیٹ ورک کو بڑا دھچکا پہنچا۔