ایران سے ہزاروں پاکستانی گوادر اور چاغی کے راستے پاکستان پہنچ گئے

مشرقِ وسطیٰ میں جاری شدید جنگی صورتحال کے پیشِ نظر ایران میں مقیم ہزاروں پاکستانیوں کی وطن واپسی کا سلسلہ تیز ہو گیا ہے۔ گزشتہ چند ہفتوں کے دوران ہزاروں پاکستانی شہری گوادر اور چاغی کے سرحدی راستوں سے بحفاظت پاکستان پہنچ چکے ہیں۔

وزیراعلیٰ بلوچستان سرفراز بگٹی نے سماجی رابطے کی ویب سائٹ ‘ایکس’ پر جاری اپنے بیان میں تصدیق کی ہے کہ 28 فروری سے اب تک مجموعی طور پر 5,615 پاکستانی شہری ایران سے وطن واپس پہنچے ہیں۔ انہوں نے واضح کیا کہ صوبائی حکومت سرحدی مقامات پر مسافروں کی سہولت اور حفاظت کے لیے مکمل طور پر مستعد ہے