مریم نواز ایک شفیق ماں، وعدے نہیں عملی اقدامات کرتی ہیں: عظمیٰ بخاری

صوبائی وزیر اطلاعات پنجاب عظمیٰ بخاری نے وزیر اعلیٰ مریم نواز شریف کی کارکردگی کو سراہتے ہوئے کہا ہے کہ پنجاب میں اب حکومت خود چل کر عوام کی دہلیز تک پہنچ رہی ہے۔ اپنے تازہ بیان میں انہوں نے مریم نواز کے اندازِ حکمرانی کو ایک “شفیق ماں” سے تشبیہ دیتے ہوئے کہا کہ رمضان المبارک کے دوران اربوں روپے کی امداد لاکھوں مستحق خاندانوں کے گھروں تک پہنچائی جا چکی ہے۔

عظمیٰ بخاری کا کہنا تھا کہ مریم نواز صرف وعدے نہیں کرتیں بلکہ عملی اقدامات پر یقین رکھتی ہیں، جس کے نتائج عوام کے سامنے ہیں۔ انہوں نے مخالفین پر تنقید کرتے ہوئے کہا کہ اب پنجاب میں سیاسی شعبدہ بازی کا وقت گزر چکا ہے اور ہر ماہ نئے منصوبے مکمل کیے جا رہے ہیں۔