یو اے ای کا فضائی حدود عارضی طور پر بند کرنے کا اعلان

متحدہ عرب امارات کی جنرل سول ایوی ایشن اتھارٹی (GCAA) نے ملک کی فضائی حدود کو غیر معمولی احتیاطی تدابیر کے طور پر عارضی طور پر بند کرنے کا باقاعدہ اعلان کر دیا ہے۔ یہ فیصلہ خطے میں بڑھتی ہوئی کشیدگی اور سیکورٹی خدشات کے پیشِ نظر کیا گیا ہے۔

اس اہم فیصلے سے قبل اماراتی وزارتِ دفاع نے ایک بیان جاری کیا تھا جس میں کہا گیا کہ وہ ایران کی جانب سے ممکنہ میزائل اور ڈرون حملوں کے خطرات کی مسلسل نگرانی کر رہے ہیں اور ملکی دفاع کے لیے تمام ضروری اقدامات اٹھائے جا رہے ہیں۔ فضائی حدود کی بندش سے بین الاقوامی پروازوں کا شیڈول شدید متاثر ہونے کا خدشہ ہے، کیونکہ دبئی اور ابوظہبی عالمی ہوائی سفر کے اہم ترین مراکز (Hubs) ہیں۔