بعض پڑوسی ملک ایرانیوں کے قتل عام کی حوصلہ افزائی کررہے ہیں، عباس عراقچی

ایران کے وزیر خارجہ عباس عراقچی نے کہا ہے کہ بعض پڑوسی ممالک اپنی سرزمین پر امریکی افواج کی میزبانی کر رہے ہیں اور ایران پر حملوں کی اجازت دے رہے ہیں ۔۔یہ ممالک  ایرانیوں کے قتل عام کی بھی حوصلہ افزائی کر رہے ہیں۔

عباس عراقچی نے سوشل میڈیا پلیٹ فارم پرایک بیان کہا کہ اس معاملے پر متعلقہ ممالک کو فوری طور پر اپنا مؤقف واضح کرنا چاہیے۔

انہوں نے کہا کہ اسرائیل اور امریکا کے حملوں میں اب تک سیکڑوں ایرانی شہری جاں بحق ہو چکے ہیں جن میں 200 سے زائد بچے بھی شامل ہیں۔