ایران کے خلاف جنگ کا براہ راست حصہ نہیں بنیں گے: برطانوی وزیراعظم

برطانوی وزیراعظم کیئر سٹارمر نے دو ٹوک الفاظ میں اعلان کیا ہے کہ برطانیہ ایران کے خلاف کسی بھی ممکنہ جنگ میں براہِ راست شامل نہیں ہوگا۔ ایک حالیہ نیوز کانفرنس سے خطاب کرتے ہوئے انہوں نے مشرقِ وسطیٰ میں جاری کشیدگی پر شدید تشویش کا اظہار کیا اور کہا کہ اس جنگ کی وجہ سے عالمی سطح پر گیس، تیل اور کھاد (فرٹلائزر) کی قیمتوں میں غیر معمولی اضافہ ہوا ہے، جس کا براہِ راست اثر عام آدمی پر پڑ رہا ہے۔

وزیراعظم کیئر سٹارمر نے واضح کیا کہ آبنائے ہرمز کو دوبارہ کھولنا ایک مشکل چیلنج ہے، تاہم برطانیہ اپنے اتحادیوں کے ساتھ مل کر سمندری آمد و رفت کی بحالی کے لیے کوشاں ہے۔ انہوں نے یہ بھی بتایا کہ اب تک 92 ہزار برطانوی شہری مشرقِ وسطیٰ کے متاثرہ علاقوں سے وطن واپس پہنچ چکے ہیں۔ ان کا کہنا تھا کہ جنگ کا خاتمہ ہی اشیائے ضرورت کی قیمتوں کو نیچے لانے کا واحد راستہ ہے۔