امریکا نے آبنائے ہرمز میں جہازوں کی حفاظت کیلئے کثیر ملکی اتحاد کا منصوبہ بنا لیا

امریکی صدر ڈونلڈ ٹرمپ  کی ا نتظامیہ نے آبنائے ہرمز سے  سے گزرنے والے بحری جہازوں کی حفاظت کیلئے کثیر ملکی اتحاد بنانے کا منصوبہ تیار کر لیا ہے۔

امریکی اخبار کے مطابق ٹرمپ انتظامیہ کی جانب سے رواں ہفتے کے اوائل میں اس منصوبے کا باضابطہ اعلان متوقع ہے اور کئی ممالک آبنائے ہرمز سے گزرنے والے جہازوں کو سکیورٹی فراہم کرنے کیلئے اتحاد بنانے پر اصولی طور پر متفق ہو چکے ہیں۔

ایک بیان میں امریکی صدر ڈونلڈ ٹرمپ نے کہا کہ آبنائے ہرمز سے متعلق سات ممالک کے ساتھ بات چیت جاری ہے اور ان سے اس اہم بحری گزرگاہ کی حفاظت میں مدد کا مطالبہ کیا جا رہا ہے۔ انہوں نے کہا کہ Israel بھی آبنائے ہرمز کو محفوظ بنانے کیلئے امریکا کے ساتھ کام کر رہا ہے۔

خیال رہے کہ آبنائے ہرمز کھلوانے کے لیے امریکی صدر کی جانب سے China سمیت دنیا بھر کے ممالک سے مدد کی اپیل کی گئی تھی تاہم اس پر عالمی سطح پر ابھی تک محتاط ردعمل سامنے آیا ہے اور کسی ملک نے تاحال خطے میں بحری جہاز بھیجنے کا اعلان نہیں کیا۔

ادھر امریکا کے قریبی معاشی اتحادی Japan نے بھی آبنائے ہرمز میں اپنے بحری جہاز بھیجنے سے انکار کر دیا ہے۔ جاپانی حکمراں جماعت کے پالیسی چیف کا کہنا ہے کہ خطے میں بہت بڑی صورتحال پیدا ہونے کی صورت میں ہی جاپان اپنے بحری جہاز آبنائے ہرمز بھیجنے پر غور کر سکتا ہے۔