LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار ریاض کے فنانشل ڈسٹرکٹ ٹاور پر حوثیوں کا میزائل حملہ نیتن یاہو کی ایران کے خلاف نئی فوجی کارروائی کیلئے کوششیں تیز کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان

انسانی اسمگلنگ اور بیرون ملک ملازمتوں کے فراڈ کا معاملہ، سٹیج اداکارہ دیدار کا شوہر گرفتار

Web Desk

15 March 2026

انسانی اسمگلنگ اور بیرون ملک ملازمتوں کے نام پر مبینہ فراڈ کے ایک بڑے معاملے میں سٹیج اداکارہ دیدار کے شوہر جہانزیب کو گرفتار کر لیا گیا۔
ذرائع کے مطابق کارروائی وفاقی تحقیقاتی ادارے اسلام آباد اور لاہور کی مشترکہ ٹیم نے کی۔ کارروائی کے دوران انسپکٹر عبداللہ کیانی کی سربراہی میں جانے والی ٹیم کو شدید مزاحمت کا سامنا بھی کرنا پڑا۔
ذرائع کا کہنا ہے کہ ملزم کے آٹھ محافظوں نے کارروائی کے دوران مزاحمت کی جس کے بعد صورت حال کو قابو میں رکھنے کے لیے پنجاب پولیس کی مدد طلب کی گئی۔
وفاقی تحقیقاتی ادارے کی ٹیم نے کارروائی کے بعد ملزم جہانزیب کو لاہور سے گرفتار کر کے اسلام آباد منتقل کر دیا ہے۔
ذرائع کے مطابق ملزم وفاقی تحقیقاتی ادارے کے اسلام آباد زون کو مطلوب تھا اور اس پر بیرون ملک ملازمت دلانے کا جھانسہ دے کر ہزاروں افراد سے رقم بٹورنے کا الزام ہے۔
تحقیقات کے مطابق ملزم نے اسلام آباد کے سیکٹر جی گیارہ میں بھی اپنا دفتر قائم کر رکھا تھا جہاں سے وہ یہ سرگرمیاں چلا رہا تھا۔
ذرائع کے مطابق اسلام آباد میں کارروائیوں کے بعد ملزم لاہور منتقل ہو گیا تھا اور وہاں سے اسی نوعیت کی سرگرمیاں جاری رکھے ہوئے تھا۔
ذرائع کا یہ بھی کہنا ہے کہ سٹیج اداکارہ دیدار بھی مبینہ طور پر اپنے شوہر کے ساتھ اس دھندے میں ملوث رہی ہیں، تاہم اس حوالے سے مزید تحقیقات جاری ہیں۔
حکام کے مطابق تحقیقات کے دوران مزید اہم انکشافات سامنے آنے کا امکان ہے۔
ذرائع کا کہنا ہے کہ متاثرہ شہریوں کی جانب سے کارروائی کے لیے اعلیٰ حکام کو بھی درخواستیں دی گئی تھیں۔