آپریشن غضب للحق: پاک افواج کی فضائی کارروائی، قندھار میں طالبان کا ٹیکنیکل سپورٹ ڈھانچہ تباہ

آپریشن غضب للحق کے تحت پاک افواج نے افغان طالبان کے خلاف فضائی کارروائی کرتے ہوئے افغانستان کے شہر قندھار میں اہم ٹیکنیکل سپورٹ ڈھانچہ تباہ کر دیا۔

سکیورٹی ذرائع کے مطابق پاک افواج نے 14 اور 15 مارچ کی درمیانی شب کارروائی کرتے ہوئے افغان طالبان کے ٹھکانوں اور فوجی نوعیت کی تنصیبات کو کامیابی سے نشانہ بنایا۔

ذرائع کا کہنا ہے کہ کارروائی کے دوران قندھار میں موجود ٹیکنیکل سپورٹ ڈھانچہ اور سازوسامان کے ذخیرے کو تباہ کیا گیا۔

سکیورٹی ذرائع کے مطابق یہ ڈھانچہ اور وہاں موجود سازوسامان افغان طالبان کی جانب سے استعمال کیا جا رہا تھا۔

ذرائع کا مزید کہنا ہے کہ آپریشن غضب للحق کے تحت یہ کارروائیاں اس وقت تک جاری رہیں گی جب تک مقررہ اہداف مکمل طور پر حاصل نہیں ہو جاتے۔