افغان طالبان کے بھیجے گئے ڈرون تباہ، ملبہ گرنے سے کوئٹہ اور راولپنڈی میں شہری زخمی، آئی ایس پی آر
Web Desk
14 March 2026
راولپنڈی میں پاک فوج کے شعبہ تعلقات عامہ ( آئی ایس پی آر) کی جانب سے جاری بیان میں کہا گیا ہے کہ تیرہ مارچ کو افغان طالبان نے پاکستان کے عوام کو خوفزدہ کرنے کے مقصد سے چند بغیر پائلٹ طیارے روانہ کیے۔
بیان کے مطابق پاکستانی افواج نے بروقت کارروائی کرتے ہوئے ان طیاروں کو مختلف دفاعی طریقوں سے تباہ کر دیا جس کے باعث وہ اپنے ہدف تک پہنچنے میں ناکام رہے۔
فوج کے شعبہ تعلقات عامہ کے مطابق تباہ ہونے والے طیاروں کے ملبے کے باعث کوئٹہ میں دو بچے زخمی ہوئے جبکہ کوہاٹ اور راولپنڈی میں ایک ایک شہری زخمی ہوا۔
بیان میں کہا گیا ہے کہ یہ کارروائیاں عوام میں خوف پیدا کرنے کی کوشش تھیں اور اس سے افغان طالبان کی دہشت گردانہ ذہنیت نمایاں ہوتی ہے۔
آئی ایس پی آر کا کہنا ہے کہ افغان طالبان ایک طرف عالمی سطح پر ہمدردی حاصل کرنے کے لیے خود کو مظلوم ظاہر کرتے ہیں جبکہ دوسری جانب اپنے حمایت یافتہ عناصر اور بغیر پائلٹ طیاروں کے ذریعے شہریوں کو نشانہ بناتے ہیں۔
بیان کے مطابق پاکستان کے عوام اور مسلح افواج افغانستان پر قابض اس گروہ کے اصل عزائم سے بخوبی آگاہ ہیں۔
فوج کے شعبہ تعلقات عامہ نے واضح کیا کہ پاکستان کی کارروائی ’’غضب للحق‘‘ اس وقت تک جاری رہے گی جب تک افغانستان کی سرزمین سے پاکستان کے خلاف ہونے والی دہشت گردی کا خاتمہ نہیں ہو جاتا۔
بیان میں مزید کہا گیا کہ پاکستانی مسلح افواج دہشت گردی کے خلاف اپنی جدوجہد جاری رکھیں گی اور عوام کے دفاع کے لیے ہر ممکن اقدام اٹھاتی رہیں گی۔
متعلقہ عنوانات
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز
19 November 2026
شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر
19 November 2026
ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ
19 November 2026
خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ
19 November 2026
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت
19 November 2026
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
ریاض کے فنانشل ڈسٹرکٹ ٹاور پر حوثیوں کا میزائل حملہ
19 November 2026
نیتن یاہو کی ایران کے خلاف نئی فوجی کارروائی کیلئے کوششیں تیز
19 November 2026