کراچی کے مختلف علاقوں میں زلزلے کے جھٹکے، شہریوں میں خوف و ہراس

کراچی کے مختلف علاقوں میں زلزلے کے جھٹکے محسوس کیے گئے جس کے باعث شہریوں میں خوف و ہراس پھیل گیا۔

زلزلے کے جھٹکے شہر کے علاقوں لانڈھی، خرم آباد، ملیر اور کورنگی میں محسوس کیے گئے، جہاں کئی مقامات پر لوگ گھروں سے باہر نکل آئے۔

زلزلہ پیما مرکز کے مطابق زلزلے کی شدت 4 ریکارڈ کی گئی جبکہ اس کی گہرائی 10 کلو میٹر تھی۔

مرکز کے مطابق زلزلے کا مرکز کراچی کے جنوب میں تقریباً 100 کلو میٹر کے فاصلے پر واقع تھا۔

حکام کا کہنا ہے کہ زلزلے کے باعث ابتدائی طور پر کسی جانی یا مالی نقصان کی اطلاع موصول نہیں ہوئی۔