فیض آباد کے قریب دو ڈرون مار گرائے گئے، اسلام آباد ایئرپورٹ پر فلائٹ آپریشن عارضی طور پر متاثر
Web Desk
13 March 2026
مقامی ذرائع کے مطابق اسلام آباد اور راولپنڈی کے سنگم فیض آباد کے قریب فضائی دفاعی نظام نے دو ڈرون مار گرائے، جس کے بعد اسلام آباد انٹرنیشنل ایئرپورٹ پر کچھ دیر کے لیے فلائٹ آپریشن متاثر ہوا۔
ذرائع کے مطابق اسلام آباد سے مدینہ جانے والی پی آئی اے کی پرواز پی کے 713 کو ٹیک آف سے عارضی طور پر روک دیا گیا تھا، تاہم کچھ دیر بعد ٹاور سے اجازت ملنے پر پرواز کو روانہ کر دیا گیا۔
ایئرپورٹ انتظامیہ کے مطابق آپریشنل وجوہات کے باعث چند پروازوں کے شیڈول میں معمولی رد و بدل کیا گیا تھا۔ عارضی آپریشنل ایڈجسٹمنٹ کے بعد اب تمام پروازیں معمول کے مطابق آپریٹ ہو رہی ہیں۔
ترجمان پاکستان ایئرپورٹس اتھارٹی کے مطابق اسلام آباد ایئرپورٹ پر تمام داخلی و خارجی پروازیں اب معمول کے مطابق جاری ہیں۔
ترجمان نے بتایا کہ صبح تقریباً 10 بجے سے دوپہر 1 بج کر 15 منٹ تک فلائٹ آپریشن عارضی طور پر معطل رہا۔ یہ معطلی پاکستان ڈے (23 مارچ) کی فلائی پاسٹ ریہرسل کے باعث کی گئی تھی جو ایک معمول کا انتظامی اور آپریشنل اقدام تھا۔
انہوں نے وضاحت کی کہ یہ بندش کسی سکیورٹی ایمرجنسی، ڈرون حملے یا علاقائی کشیدگی کے باعث نہیں تھی بلکہ پاکستان ایئر فورس کی ریہرسل ڈرل کا حصہ تھی۔ ریہرسل مکمل ہونے کے بعد فضائی حدود کلیئر کر دی گئیں اور پروازوں کا آپریشن بحال کر دیا گیا۔
پی اے اے ترجمان کے مطابق اس طرح کی عارضی معطلیاں قومی تقریبات کی تیاری کے دوران معمول کی بات ہوتی ہیں اور اس کا مطلب پورے ملک کی فضائی حدود کی بندش نہیں ہوتا۔
ترجمان نے عوام سے اپیل کی کہ سوشل میڈیا پر پھیلنے والی افواہوں اور غیر مصدقہ خبروں پر یقین نہ کریں، جبکہ اگر کسی مسافر کی پرواز متاثر ہو تو وہ براہِ راست متعلقہ ایئر لائن یا ایئرپورٹ حکام سے تصدیق کریں۔
متعلقہ عنوانات
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز
19 November 2026
شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر
19 November 2026
ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ
19 November 2026
خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ
19 November 2026
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت
19 November 2026
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
ریاض کے فنانشل ڈسٹرکٹ ٹاور پر حوثیوں کا میزائل حملہ
19 November 2026
نیتن یاہو کی ایران کے خلاف نئی فوجی کارروائی کیلئے کوششیں تیز
19 November 2026