عمران خان کی شفا اسپتال منتقلی کی درخواست پر فیصلہ سنادیا گیا، عدالت کا میڈیکل بورڈ کی تشکیل کا حکم
Web Desk
12 March 2026
اسلام آباد ہائیکورٹ نے بانی پاکستان تحریکِ انصاف (پی ٹی آئی) عمران خان کی شفا اسپتال منتقلی کی درخواست پر سماعت کے بعد میڈیکل بورڈ تشکیل دینے کا حکم دے دیا۔ سماعت جسٹس ارباب محمد طاہر اور جسٹس خادم حسین سومرو نے کی۔
بانی پی ٹی آئی کی جانب سے سردار لطیف کھوسہ عدالت میں پیش ہوئے، جبکہ ایڈوکیٹ جنرل اسلام آباد ایاز شوکت اور ایڈیشنل اٹارنی جنرل راشد حفیظ بھی عدالت میں موجود تھے۔
سردار لطیف کھوسہ نے مؤقف اختیار کیا کہ اکتوبر سے عمران خان دائیں آنکھ کی بینائی کے مرض کی شکایت کر رہے ہیں۔ جیل ڈاکٹروں نے معاملہ نارمل قرار دیا، لیکن بینائی تقریباً ختم ہونے کے بعد انہیں پمز منتقل کیا گیا اور فیملی و وکلا کو اس دوران آگاہ نہیں کیا گیا۔
عدالت نے ایڈوکیٹ جنرل کو ہدایت کی کہ میڈیکل رپورٹس اور فیصلوں کا جائزہ لیا جائے اور بانی کی صحت و زندگی پر تشویش کے پیش نظر فوری طبی دیکھ بھال کو یقینی بنایا جائے۔
جسٹس ارباب محمد طاہر نے کہا کہ موجودہ علاج جاری ہے، اور بانی کے ذاتی معالجین کو رسائی دی جائے تاکہ شفا اسپتال میں بھی چیک اپ کرایا جا سکے۔ عدالت نے فریقین کو دلائل جاری رکھنے کی ہدایت کی اور فیصلہ محفوظ کر لیا، جس کا اعلان پندرہ منٹ میں متوقع ہے۔
متعلقہ عنوانات
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز
19 November 2026
شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر
19 November 2026
ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ
19 November 2026
خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ
19 November 2026
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت
19 November 2026
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
ریاض کے فنانشل ڈسٹرکٹ ٹاور پر حوثیوں کا میزائل حملہ
19 November 2026
نیتن یاہو کی ایران کے خلاف نئی فوجی کارروائی کیلئے کوششیں تیز
19 November 2026