LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار ریاض کے فنانشل ڈسٹرکٹ ٹاور پر حوثیوں کا میزائل حملہ نیتن یاہو کی ایران کے خلاف نئی فوجی کارروائی کیلئے کوششیں تیز کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان

سینیٹ کمیٹی خزانہ: سیاسی افراد کے اکاؤنٹس نہ کھلنے پر ذیلی کمیٹی تشکیل

Web Desk

12 March 2026

سینیٹ کی قائمہ کمیٹی خزانہ نے سیاسی افراد کے بینک اکاؤنٹس نہ کھلنے اور اس سلسلے میں پیش آنے والی مشکلات کے تناظر میں ذیلی کمیٹی تشکیل دینے کا فیصلہ کیا ہے۔ یہ کمیٹی اسٹیٹ بینک اور دیگر بینکوں کے ساتھ مل کر معاملات کا جائزہ لے گی اور پائیدار حل تلاش کرے گی۔

اجلاس کی صدارت سینیٹر سلیم مانڈوی نے کی جبکہ وزیر خزانہ محمد اورنگزیب اور وزیر پٹرولیم ڈویژن ورچوئلی شریک ہوئے۔ اجلاس میں سیاسی شخصیات کے اکاؤنٹس کھولنے میں مشکلات، فیملی اور رفقاء کو اس قانون میں شامل کرنے کے اثرات اور بینکنگ نگرانی کے امور پر تفصیلی تبادلہ خیال ہوا۔

سینیٹر فاروق ایچ نائیک نے سوال اٹھایا کہ اگر سیاسی افراد کے بچے آزادانہ طور پر کماتے ہیں تو وہ اس عمل میں کیسے شامل ہوں گے، اور بینکنگ محتسب کی شکایات کے حوالے سے کہا کہ شہریوں کو روزانہ مشکلات کا سامنا ہے۔ انہوں نے زور دیا کہ قانون پر نظرثانی ہونی چاہیے کیونکہ اس سے مسائل بڑھ رہے ہیں۔

ڈپٹی گورنر اسٹیٹ بینک نے کہا کہ فیٹف (FATF) کے 40 معیارات پر عمل ضروری ہے، بصورت دیگر پاکستان گرے لسٹ میں جا سکتا ہے، اور آئی ایم ایف بھی اینٹی منی لانڈرنگ قوانین کی پاسداری پر زور دیتا ہے۔

سینیٹر شیری رحمان نے ذیلی کمیٹی کے لیے تین ہفتوں کا وقت تجویز کیا، جبکہ سینیٹر فیصل سبزواری نے کہا کہ الیکشن لڑنے سے پہلے الیکشن کمیشن کی جانب سے الگ اکاؤنٹ بنانے کی شرط کی وجہ سے اکاؤنٹ کھلوانا مزید مشکل ہو گیا ہے۔

اجلاس میں اس بات پر اتفاق کیا گیا کہ ذیلی کمیٹی اس مسئلے کے حل کے لیے اسٹیٹ بینک اور بینکوں سے تفصیلی معلومات حاصل کرے گی تاکہ سیاسی شخصیات کے اکاؤنٹس کھلانے میں موجودہ رکاوٹوں کا مستقل حل تلاش کیا جا سکے۔