جنگ کے باعث پاکستان سے مشرق وسطیٰ کی آج بھی 55 پروازیں منسوخ

مشرق وسطیٰ میں جاری کشیدگی اور جنگی صورتحال کے باعث پاکستان سے آج بھی درجنوں پروازیں منسوخ کر دی گئیں۔

فضائی ذرائع کے مطابق آج مجموعی طور پر 55 پروازیں منسوخ کی گئیں جن میں کراچی، لاہور اور اسلام آباد سے روانہ ہونے والی متعدد بین الاقوامی پروازیں شامل ہیں۔

ذرائع کے مطابق کراچی سے دوحہ، بحرین، دبئی، ابوظبی اور نجف کے لیے جانے والی 14 پروازیں منسوخ کی گئیں جبکہ لاہور سے دوحہ، ابوظبی، دبئی، جدہ، بحرین اور شارجہ کی 14 پروازیں بھی منسوخی کا شکار ہوئیں۔

اسی طرح اسلام آباد سے دوحہ، دبئی، ابوظبی، دمام، بحرین، ریاض، جدہ اور شارجہ کے لیے روانہ ہونے والی 25 پروازیں منسوخ کر دی گئیں۔

فضائی حکام کے مطابق مشرق وسطیٰ میں جاری صورتحال کے باعث گزشتہ 13 دنوں کے دوران پاکستان سے مشرق وسطیٰ جانے والی منسوخ پروازوں کی مجموعی تعداد 17 ہزار 39 تک پہنچ گئی ہے۔