بانی پی ٹی آئی کو دباؤ میں رکھنے کے لیے جیل میں رکھا گیا ہے، علیمہ خان
Web Desk
10 March 2026
راولپنڈی: اڈیالہ جیل کے باہر بانی پی ٹی آئی کی بہن علیمہ خان نے میڈیا سے گفتگو کرتے ہوئے کہا کہ بانی پی ٹی آئی کو رہا کرنے کے بجائے دباؤ میں رکھنے کے لیے جیل میں رکھا گیا ہے۔
پیٹرولیم بحران سے متعلق حکومتی پالیسی پر سوال کے جواب میں علیمہ خان نے کہا کہ عوام خود سوچیں کہ ملک میں کیا ہو رہا ہے۔ انہوں نے کہا کہ وہ پارٹی کی نمائندگی نہیں کر رہیں بلکہ ایک پاکستانی کی حیثیت سے بات کر رہی ہیں۔علیمہ خان کا کہنا تھا کہ مہنگائی کے باعث عوام کے اخراجات دوگنا ہو چکے ہیں اور عوام کو خود بھی حالات پر فکر کرنی چاہیے۔انہوں نے مزید کہا کہ بانی پی ٹی آئی جیل میں ہیں اور ہم ان کی خیریت معلوم کرنے کے لیے یہاں آتے ہیں لیکن ہمیں ان سے ملاقات تک کی اجازت نہیں دی جاتی۔علیمہ خان نے کہا کہ آج دنیا میں جو حالات بن رہے ہیں ان سے اندازہ ہو جاتا ہے کہ بانی پی ٹی آئی کو جیل میں کیوں ڈالا گیا۔ ان کا کہنا تھا کہ بانی پی ٹی آئی کے خلاف دو کیسز ختم ہونے چاہئیں اور وہ عدالتوں میں یہی مؤقف پیش کر رہے ہیں۔انہوں نے مزید کہا کہ جو لوگ بانی پی ٹی آئی کے ساتھ یہ سب کر رہے ہیں تاریخ انہیں یاد رکھے گی۔جی ایچ کیو حملہ کیس سے متعلق سوال پر علیمہ خان نے تبصرہ کرنے سے گریز کیا۔
متعلقہ عنوانات
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز
19 November 2026
شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر
19 November 2026
ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ
19 November 2026
خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ
19 November 2026
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت
19 November 2026
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
ریاض کے فنانشل ڈسٹرکٹ ٹاور پر حوثیوں کا میزائل حملہ
19 November 2026
نیتن یاہو کی ایران کے خلاف نئی فوجی کارروائی کیلئے کوششیں تیز
19 November 2026