بھارت خطے میں دہشتگردی میں ملوث، افغانستان کے ذریعے حملے کروا رہا ہے: پاکستان
Web Desk
10 March 2026
پاکستان نے کہا ہے کہ بھارت خطے میں دہشت گردی میں ملوث ہے اور افغانستان کی سرزمین کو استعمال کرتے ہوئے پاکستان میں تخریب کاری کروا رہا ہے۔
اقوام متحدہ کی سلامتی کونسل کے اجلاس سے خطاب کرتے ہوئے پاکستان کے مستقل مندوب عاصم افتخار نے کہا کہ بھارت کی افغان پالیسی کا بنیادی مقصد پاکستان کو عدم استحکام سے دوچار کرنا ہے۔ انہوں نے کہا کہ دہشت گردوں کے ساتھ بھارتی روابط کے مکمل شواہد عالمی برادری کو فراہم کیے جا چکے ہیں۔عاصم افتخار نے کہا کہ پاکستان کسی بھی صورت افغانستان کی سرزمین کو اپنے خلاف استعمال ہونے کی اجازت نہیں دے گا۔ انہوں نے الزام عائد کیا کہ پانی کو بطور ہتھیار استعمال کیا جا رہا ہے جبکہ افغان طالبان حکومت نے دہشت گردوں کو پناہ دے رکھی ہے۔پاکستانی مندوب کے مطابق تحریک طالبان پاکستان (ٹی ٹی پی)، بلوچ لبریشن آرمی (بی ایل اے) اور دیگر دہشت گرد تنظیمیں افغانستان سے پاکستان میں حملوں کی منصوبہ بندی کرتی ہیں اور مختلف شہروں میں خودکش حملوں میں ملوث ہیں۔انہوں نے سلامتی کونسل کو بتایا کہ 26 فروری کو افغان طالبان حکومت نے بلااشتعال پاکستان پر حملہ کیا جبکہ افغانستان سے آنے والے دہشت گردوں نے معصوم پاکستانیوں کو نشانہ بنایا۔عاصم افتخار کا کہنا تھا کہ پاکستان نے جوابی کارروائی میں دشمن فورسز اور دہشت گردوں کو نشانہ بنایا اور انسداد دہشت گردی آپریشن کے دوران غیر ملکی اسلحہ بھی برآمد کیا۔انہوں نے مزید کہا کہ افغانستان دہشت گرد تنظیموں کے لیے محفوظ پناہ گاہ بن چکا ہے تاہم پاکستان ایک محفوظ اور پرامن افغانستان کا خواہاں ہے۔
متعلقہ عنوانات
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز
19 November 2026
شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر
19 November 2026
ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ
19 November 2026
خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ
19 November 2026
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت
19 November 2026
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
ریاض کے فنانشل ڈسٹرکٹ ٹاور پر حوثیوں کا میزائل حملہ
19 November 2026
نیتن یاہو کی ایران کے خلاف نئی فوجی کارروائی کیلئے کوششیں تیز
19 November 2026