فضائی حدود کی بندش کے بعد یو اے ای ایئرلائنز کی محدود پروازیں بحال
Web Desk
9 March 2026
علاقائی فضائی حدود میں جاری پابندیوں کے باعث متحدہ عرب امارات کی بڑی ایئرلائنز نے فلائٹ آپریشن سے متعلق اہم اپ ڈیٹس جاری کر دی ہیں۔ امارات، اتحاد ایئرویز، فلائی دبئی اور ایئر عربیہ کے مطابق سیکیورٹی اور آپریشنل صورتحال کا جائزہ لینے کے بعد محدود پروازیں مرحلہ وار بحال کی جا رہی ہیں۔
ایئرلائنز کا کہنا ہے کہ پروازیں فی الحال محدود شیڈول کے تحت چلائی جا رہی ہیں اور صورتحال کے مطابق فلائٹ شیڈول میں مزید رد و بدل بھی ممکن ہے۔ امارات ایئرلائن کے مطابق فضائی حدود کی جزوی بحالی کے بعد کم شیڈول کے ساتھ پروازیں چلائی جا رہی ہیں، جبکہ دبئی کے راستے سفر کرنے والے ٹرانزٹ مسافروں کو صرف اسی صورت قبول کیا جائے گا جب ان کی اگلی کنیکٹنگ فلائٹ آپریٹ ہو رہی ہو۔
فلائی دبئی نے دبئی آنے اور جانے والی پروازوں کا آپریشن دوبارہ شروع کرنے کا اعلان کیا ہے، جبکہ ایئر عربیہ نے بھی متحدہ عرب امارات آنے اور جانے والی محدود پروازیں بحال کر دی ہیں۔ایئرلائنز نے مسافروں کو ہدایت کی ہے کہ وہ ایئرپورٹ آنے سے قبل اپنی فلائٹ اسٹیٹس اور ای میل نوٹیفکیشنز ضرور چیک کریں اور جب تک ایئرلائن کی جانب سے براہِ راست اطلاع نہ ملے ایئرپورٹ جانے سے گریز کریں۔ایئرلائن حکام کے مطابق مسافروں اور عملے کی حفاظت اولین ترجیح ہے اور فضائی حدود کی صورتحال کے مطابق پروازوں کی تعداد اور شیڈول میں مزید تبدیلیاں کی جا سکتی ہیں۔
متعلقہ عنوانات
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز
19 November 2026
شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر
19 November 2026
ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ
19 November 2026
خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ
19 November 2026
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت
19 November 2026
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
ریاض کے فنانشل ڈسٹرکٹ ٹاور پر حوثیوں کا میزائل حملہ
19 November 2026
نیتن یاہو کی ایران کے خلاف نئی فوجی کارروائی کیلئے کوششیں تیز
19 November 2026