کفایت شعاری پالیسی اجلاس: وفاقی کابینہ کا 2 ماہ کی تنخواہ نہ لینے کا فیصلہ
Web Desk
9 March 2026
اسلام آباد: وزیراعظم محمد شہباز شریف کی ہدایت پر ملکی معیشت کے استحکام کے لیے کفایت شعاری اور سادگی پر مبنی اقدامات کا جائزہ لیا گیا۔ وزیراعظم کی زیرصدارت ہونے والی مشاورت میں نائب وزیراعظم اسحاق ڈار، وزیر خزانہ محمد اورنگزیب، وزیر منصوبہ بندی احسن اقبال سمیت اویس لغاری، علی پرویز ملک، عطا اللہ تارڑ، مصدق مسعود ملک اور ہارون اختر نے شرکت کی، جبکہ چاروں صوبوں کے نمائندے اور اعلیٰ سرکاری حکام بھی اجلاس میں موجود تھے۔
اجلاس میں ممکنہ عالمی و علاقائی کشیدگی کے پاکستان کی معیشت پر اثرات اور جنگ کی صورت میں ممکنہ معاشی چیلنجز پر بریفنگ دی گئی۔ شرکا کو بتایا گیا کہ توانائی کی فراہمی اور عالمی منڈیوں میں قیمتوں کے اتار چڑھاؤ کے باعث بعض چیلنجز درپیش ہو سکتے ہیں، تاہم ملک میں پیٹرول، ڈیزل اور دیگر پیٹرولیم مصنوعات کے مناسب ذخائر موجود ہیں اور کسی بھی ہنگامی صورتحال سے نمٹنے کے لیے پیشگی انتظامات مکمل ہیں۔
وزیراعظم نے کہا کہ حکومت صورتحال پر کڑی نظر رکھے ہوئے ہے اور قومی معیشت کا استحکام اولین ترجیح ہے۔ انہوں نے مشکل حالات میں عوام کو زیادہ سے زیادہ ریلیف فراہم کرنے کے عزم کا اظہار کرتے ہوئے تمام سرکاری ملازمین اور وزرا کو سادگی اور کفایت شعاری اختیار کرنے کی تلقین کی۔
اجلاس میں اس بات پر بھی زور دیا گیا کہ کفایت شعاری کے اقدامات صنعتی اور زرعی شعبوں پر لاگو نہ کیے جائیں تاکہ ملکی پیداوار، برآمدات اور غذائی تحفظ متاثر نہ ہو۔ وزیراعظم نے وسائل کے مؤثر استعمال، توانائی کی بچت اور ایندھن کے محتاط استعمال کو یقینی بنانے کی ہدایت بھی کی۔
اجلاس میں سرکاری وسائل کی بچت اور توانائی کے مؤثر استعمال کے لیے طلب و رسد کی مسلسل نگرانی کا فیصلہ کیا گیا، جبکہ ورک فرام ہوم اور ڈیجیٹل کنیکٹوٹی میں کسی قسم کی رکاوٹ نہ آنے دینے اور آن لائن کام کرنے والوں کو بلا رکاوٹ انٹرنیٹ سہولت فراہم کرنے کی ہدایت بھی دی گئی۔
ذرائع کے مطابق وزیراعظم اور وفاقی کابینہ کے ارکان نے قومی کفایت شعاری پلان کے تحت صورتحال بہتر ہونے تک تنخواہیں اور مراعات نہ لینے کا فیصلہ بھی کیا ہے۔
متعلقہ عنوانات
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز
19 November 2026
شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر
19 November 2026
ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ
19 November 2026
خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ
19 November 2026
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت
19 November 2026
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
ریاض کے فنانشل ڈسٹرکٹ ٹاور پر حوثیوں کا میزائل حملہ
19 November 2026
نیتن یاہو کی ایران کے خلاف نئی فوجی کارروائی کیلئے کوششیں تیز
19 November 2026