صدقہ فطر اور فدیہ صوم کی کم از کم رقم 300 روپے مقرر، اسلامی نظریاتی کونسل نے نصاب جاری کر دیا
Web Desk
8 March 2026
اسلام آباد: اسلامی نظریاتی کونسل کے چیئرمین علامہ راغب نعیمی نے رواں سال کے لیے صدقہ فطر اور فدیہ صوم کا نصاب جاری کر دیا ہے۔
چیئرمین اسلامی نظریاتی کونسل کے مطابق رواں سال صدقہ فطر اور فدیہ صوم کم از کم 300 روپے فی کس ادا کیا جائے۔ انہوں نے بتایا کہ جو کے حساب سے 1100 روپے جبکہ کھجور کے حساب سے 1600 روپے صدقہ فطر اور فدیہ صوم ادا کرنا ہوگا۔
ڈاکٹر راغب حسین نعیمی نے کہا کہ صدقہ فطر ہر مرد، عورت، چھوٹے اور بڑے مسلمان پر فرض ہے اور صاحب استطاعت افراد کو چاہیے کہ وہ اپنی مالی حیثیت کے مطابق زیادہ رقم ادا کریں تاکہ زیادہ مستحق افراد کی مدد ممکن ہو سکے۔
ان کے مطابق کشمش کے حساب سے 3800 روپے جبکہ منقیٰ کے حساب سے 5400 روپے صدقہ فطر اور فدیہ صوم ادا کیا جا سکتا ہے، جبکہ سرکاری آٹے کے حساب سے کم از کم 200 روپے بھی ادا کیے جا سکتے ہیں۔
چیئرمین اسلامی نظریاتی کونسل نے مزید کہا کہ گندم کے حساب سے 30 روزوں کا فدیہ 9000 روپے بنتا ہے جبکہ جو کے حساب سے 30 روزوں کا فدیہ 33000 روپے ادا کرنا ہوگا۔
اسی طرح کھجور کے حساب سے 30 روزوں کا فدیہ 48000 روپے، کشمش کے حساب سے 114000 روپے جبکہ منقیٰ کے حساب سے 162000 روپے ادا کرنا ہوں گے۔
انہوں نے بتایا کہ سرکاری آٹے کے حساب سے 30 روزوں کا فدیہ 6000 روپے بنتا ہے۔
ڈاکٹر راغب حسین نعیمی کے مطابق گندم کا نصاب وزن کے لحاظ سے نصف صاع یعنی احتیاطاً دو کلوگرام جبکہ جو، کھجور اور منقیٰ کا نصاب ایک صاع یعنی تقریباً چار کلوگرام بنتا ہے۔
انہوں نے یہ بھی کہا کہ پنجاب کے علاوہ دیگر صوبوں کے رہائشی اپنے علاقوں میں اجناس کی قیمتوں کے مطابق صدقہ فطر اور فدیہ صوم ادا کریں۔
متعلقہ عنوانات
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز
19 November 2026
شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر
19 November 2026
ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ
19 November 2026
خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ
19 November 2026
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت
19 November 2026
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
ریاض کے فنانشل ڈسٹرکٹ ٹاور پر حوثیوں کا میزائل حملہ
19 November 2026
نیتن یاہو کی ایران کے خلاف نئی فوجی کارروائی کیلئے کوششیں تیز
19 November 2026