عوام کومتاثرکرنے والے اقدامات کی حمایت نہیں کرینگے، سہیل آفریدی پیٹرول مہنگاہونے پر پھٹ پڑے

وزیراعلیٰ خیبرپختونخوا سہیل آفریدی نے کہاہے کہ حکومت خود فضول خرچیاں کرے اوربحران کا بوجھ عوام پر ڈال دے، یہ طرزحکمرانی درست نہیں۔خیبرپختونخوا حکومت ایسے اقدامات کی حمایت نہیں کرے گی جن سے براہ راست عوام متاثر ہوں۔

سہیل آفریدی کی وفاقی وزیرپیٹرولیم علی پرویزملک سے ملاقات ہوئی جس کے دوران انہوں نے پیٹرولیم مصنوعات مہنگی کرنے تشویش کا اظہارکیا۔ملاقات کے دوران ممکنہ سپلائی بحران اور قیمتوں پر اثرات کے حوالے سے خیبر پختونخوا حکومت  کو بریفنگ دی گئی۔

اس موقع پر وزیراعلیٰ سہیل آفریدی کاکہناتھاکہ  ایران امریکا اسرائیل تنازع کا بوجھ پیٹرول کی قیمتیں بڑھا کر عوام پر ڈالنا مسئلے کا حل نہیں۔بحران کے وقت لگژری اخراجات کے بجائے وسائل عوام خرچ ہونے چاہئیں۔