حکومت نے پٹرول کی قیمت میں تخمینے سے کم اضافہ کیا، عظمیٰ بخاری
Web Desk
7 March 2026
صوبائی وزیر اطلاعات Azma Bukhari نے کہا ہے کہ عالمی جنگی حالات کے باعث معیشت متاثر ہے اور پٹرول کی قیمت بڑھانا آسان فیصلہ نہیں تھا، تاہم حکومت نے تخمینے سے کم اضافہ کیا ہے اور حالات بہتر ہوتے ہی قیمتیں کم ہو جائیں گی۔
وزیراعلیٰ پنجاب Maryam Nawaz کی زیر صدارت خصوصی ویڈیو لنک اجلاس میں پنجاب ڈویلپمنٹ پروگرام، صاف پانی اور مثالی گاؤں پراجیکٹ پر پیش رفت کا جائزہ لیا گیا۔ اجلاس میں وزیراعلیٰ نے پراجیکٹس کا پکٹوریل وزٹ کیا اور مون سون سے پہلے نکاسی آب کے پراجیکٹ مکمل کرنے کی ہدایت دی۔
اجلاس میں بتایا گیا کہ پانی کی کمی، بروقت نکاسی، سیوریج اور زیر زمین پانی کی سطح کو بچانے کے لیے پنجاب میں پہلی بار 358 انڈر گراؤنڈ اسٹوریج ٹینک بنائے جائیں گے جبکہ شہروں میں بارش کے پانی کے لیے 34 بڑے انڈر گراؤنڈ اسٹوریج واٹر ٹینک اور ری چارج ویل بھی بنائے جائیں گے۔
مزید بتایا گیا کہ پنجاب کے مختلف علاقوں میں 6,100 کلومیٹر سٹریٹ اور سیوریج لائنیں بنائی جائیں گی، 61 ڈسپوزل اسٹیشن بحال اور 56 نئے اسٹیشن قائم کیے جائیں گے، جبکہ 328 ویسٹ واٹر ٹریٹمنٹ پلانٹس اور 3,498 کلومیٹر طویل سیوریج لائنیں بنائی جائیں گی۔ 14,679 مقامات پر سٹریٹ لائٹس نصب ہوں گی اور 33 ملین مربع فٹ ٹف ٹائل بچھائی جائیں گی۔ نکاسی آب کے لیے 526 جدید مشینیں اور ٹریکٹر فراہم کیے جائیں گے۔
سرگودھا، ڈی جی خان، گجرات، اوکاڑہ، جھنگ، ملتان اور سیالکوٹ میں پی ڈی پی پراجیکٹ شروع ہو چکا ہے جبکہ جہلم، حافظ آباد، ساہیوال، فیصل آباد، گوجرانوالہ، شیخوپورہ، ننکانہ اور راولپنڈی میں بھی منصوبے شروع کیے جا رہے ہیں۔
مثالی گاؤں پراجیکٹ کے تحت 485 دیہات میں 59 ارب روپے کی ترقیاتی سکیمیں نافذ کی جائیں گی اور 200 دیہات میں یہ منصوبہ شروع ہو رہا ہے۔ وزیراعلیٰ نے صاف پانی کی فراہمی اور دیہات میں پختہ گلیاں بنانے کی ہدایت دی جبکہ گجرات اور سیالکوٹ میں ڈرینج پراجیکٹس جلد مکمل کرنے کی ہدایت کی۔
بعد ازاں صوبائی وزیر اطلاعات عظمیٰ بخاری نے صوبائی وزیر بلدیات Zeeshan Rafiq کے ہمراہ نیوز کانفرنس میں کہا کہ پاکستان کی تاریخ کا سب سے بڑا منصوبہ شروع کیا جا رہا ہے اور شہروں کے ساتھ دیہاتوں میں بھی ترقی کے اقدامات کیے جا رہے ہیں۔ نگہبان رمضان کارڈ کے تحت 25 لاکھ 3,897 کارڈ جاری کیے جا چکے ہیں اور 42 لاکھ خاندانوں تک سہولت پہنچائی جائے گی۔
عظمیٰ بخاری نے کہا کہ پنجاب ڈویلپمنٹ پروگرام پر تیزی سے کام ہو رہا ہے اور تقریباً 500 ارب روپے سے پنجاب میں سیوریج کا نظام بنایا جا رہا ہے۔ تمام ٹھیکے ای ٹینڈرنگ کے ذریعے کیے گئے جس سے 13 ارب روپے کی بچت ہوئی ہے۔ مون سون کے تمام پراجیکٹس اس سے پہلے مکمل کیے جائیں گے۔ انہوں نے مزید کہا کہ عالمی جنگی حالات کے باعث پٹرول کی قیمت بڑھانا آسان فیصلہ نہیں تھا، تاہم حکومت نے تخمینے سے کم اضافہ کیا ہے اور حالات بہتر ہوتے ہی قیمتیں کم ہو جائیں گی، جبکہ وزیراعلیٰ کی ہدایت ہے کہ کسی کو بھی پٹرول ذخیرہ کرنے کی اجازت نہیں ہوگی
متعلقہ عنوانات
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز
19 November 2026
شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر
19 November 2026
ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ
19 November 2026
خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ
19 November 2026
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت
19 November 2026
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
ریاض کے فنانشل ڈسٹرکٹ ٹاور پر حوثیوں کا میزائل حملہ
19 November 2026
نیتن یاہو کی ایران کے خلاف نئی فوجی کارروائی کیلئے کوششیں تیز
19 November 2026