قومی اسمبلی میں نیب ترمیمی بل 2026 پیش، حکومت اور اپوزیشن میں سخت جملوں کا تبادلہ
Web Desk
5 March 2026
قومی اسمبلی کے اجلاس میں نیب ترمیمی بل 2026 پیش کر دیا گیا جس پر ایوان میں حکومت اور اپوزیشن کے درمیان بحث دیکھنے میں آئی۔
بل رکن قومی اسمبلی ماہ جبین عباسی نے پیش کیا جبکہ وزیر قانون نے بل کی حمایت کرتے ہوئے کہا کہ اس پر سینیٹ میں بھی تفصیلی بحث ہو چکی ہے۔ وزیر قانون کے مطابق بل میں پچاس کروڑ روپے کی مالی حد میں اضافے کی تجویز شامل ہے۔ انہوں نے بتایا کہ مجرم کو ہائی کورٹ کے ساتھ ساتھ آئینی عدالت میں اپیل کرنے کا اختیار بھی دیا جا رہا ہے۔
دوسری جانب چیئرمین پی ٹی آئی بیرسٹر گوہر نے بل پر شدید تنقید کرتے ہوئے کہا کہ اس میں پچاس کروڑ کی حد میں اضافہ کیا جا رہا ہے۔ انہوں نے کہا کہ پہلے قرضے معاف کیے جاتے تھے اور اب اس قانون کے ذریعے مزید کیسز بھی ختم کروائے جائیں گے۔ ان کا کہنا تھا کہ اثر و رسوخ رکھنے والے افراد اس قانون سے فائدہ اٹھا کر اپنے کیسز ختم کرا سکتے ہیں۔
بیرسٹر گوہر نے کہا کہ بل میں سیکشن 6 میں ترمیم کر کے چیئرمین نیب کی مدت ملازمت میں اضافہ کیا جا رہا ہے جبکہ اس وقت موجودہ چیئرمین نیب کی مدت ملازمت ختم ہونے والی ہے۔ انہوں نے مزید کہا کہ وزیر قانون کے مطابق دو اپیلوں کا حق دیا جا رہا ہے، حالانکہ قتل اور ریپ جیسے سنگین جرائم میں بھی دو اپیلوں کا حق نہیں دیا جاتا، تو یہاں ایسا کیوں کیا جا رہا ہے۔ انہوں نے حکومت سے مطالبہ کیا کہ بل واپس لیا جائے۔
اس موقع پر رکن قومی اسمبلی عالیہ کامران نے بھی بل پر اعتراض کرتے ہوئے کہا کہ چیئرمین نیب کی تعیناتی سے متعلق شق میثاق جمہوریت کے خلاف ہے۔ انہوں نے کہا کہ جو لوگ پہلے نیب کو ختم کرنے کی بات کرتے تھے اب ان کے نظریات بدل گئے ہیں۔ ان کا کہنا تھا کہ اس بل کے ذریعے سپریم کورٹ کو مائنس کر کے اپیل کا اختیار آئینی عدالت کو دیا جا رہا ہے
متعلقہ عنوانات
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز
19 November 2026
شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر
19 November 2026
ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ
19 November 2026
خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ
19 November 2026
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت
19 November 2026
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
ریاض کے فنانشل ڈسٹرکٹ ٹاور پر حوثیوں کا میزائل حملہ
19 November 2026
نیتن یاہو کی ایران کے خلاف نئی فوجی کارروائی کیلئے کوششیں تیز
19 November 2026