اڈیالہ جیل میں بانی پی ٹی آئی سے ملاقات نہیں کروائی گئی، پی ٹی آئی رہنماؤں کی میڈیا سے گفتگو
Web Desk
5 March 2026
راولپنڈی میں اڈیالہ جیل کے داہگل ناکہ پر پی ٹی آئی کے رہنماؤں نے میڈیا سے گفتگو کرتے ہوئے بانی پی ٹی آئی سے ملاقات نہ کروانے پر شدید ردعمل دیا۔
رکن قومی اسمبلی جاوید وڑائچ نے کہا کہ ہمیشہ کی طرح آج بھی انہیں روک کر انتظار کرنے کا کہا گیا، تاہم انتظار کرتے کرتے ملاقات کا وقت ختم ہو گیا۔ انہوں نے کہا کہ وہ پہلے بھی کئی مرتبہ آ چکے ہیں لیکن حسب روایت آج بھی ملاقات کی اجازت نہیں دی گئی۔
دوسری جانب شبیر علی قریشی نے میڈیا سے گفتگو کرتے ہوئے کہا کہ حکومتی بریفنگ میں شرکت نہ کرنے کا فیصلہ سیاسی کمیٹی میں کیا گیا تھا۔ انہوں نے کہا کہ حکومت سے مطالبہ کیا گیا تھا کہ بانی پی ٹی آئی سے ملاقات کروا دی جائے تاکہ ان سے ہدایات لے کر میٹنگ میں اپنا لائحہ عمل پیش کیا جا سکے۔
شبیر علی قریشی نے کہا کہ حکومت اتنے بڑے سکیورٹی معاملے پر بھی اتنی سی گنجائش دینے کو تیار نہیں ہے۔ ان کا کہنا تھا کہ بانی پی ٹی آئی کو گزشتہ تین ماہ سے قید تنہائی میں رکھا گیا ہے جو غیر جمہوری، غیر انسانی، غیر قانونی اور غیر آئینی رویہ ہے۔
انہوں نے مزید کہا کہ حکومت کو خودداری کا مظاہرہ کرنا چاہیے اور ہوش کے ناخن لینے چاہئیں۔ ان کا کہنا تھا کہ پی ٹی آئی ہمیشہ اہم قومی معاملات پر ذمہ داری کا مظاہرہ کرتی ہے، بھارت کے ساتھ کشیدگی کے دوران بھی پارٹی نے بھرپور حمایت کی تھی اور آئندہ بھی قومی سلامتی کے معاملے پر ملک کے ساتھ کھڑے رہیں گے۔
متعلقہ عنوانات
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ
19 November 2026
کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ
19 November 2026
پٹرول ایک روپیہ فی لٹر مہنگا، ڈیزل کی قیمت برقرار
19 November 2026
زرمبادلہ کے ذخائر میں 1.50 کروڑ ڈالر کا اضافہ ریکارڈ
19 November 2026
بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان
19 November 2026
حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ
19 November 2026
سابق وفاقی وزیر چوہدری لیاقت عباس گھر میں مردہ حالت میں پائے گئے، موت مشکوک قرار
19 November 2026