LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار ریاض کے فنانشل ڈسٹرکٹ ٹاور پر حوثیوں کا میزائل حملہ نیتن یاہو کی ایران کے خلاف نئی فوجی کارروائی کیلئے کوششیں تیز کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان

اسلام آباد میں بلدیاتی انتخابات میں تاخیر، وزیر داخلہ ذاتی حیثیت میں طلب

Web Desk

5 March 2026

اسلام آباد میں بلدیاتی انتخابات میں تاخیر کے معاملے پر الیکشن کمیشن نے وفاقی وزیر داخلہ محسن نقوی کو آئندہ سماعت پر ذاتی حیثیت میں طلب کر لیا ہے۔

چیف الیکشن کمشنر سکندر سلطان راجہ کی سربراہی میں پانچ رکنی بینچ نے کیس کی سماعت کی، جس کے دوران چیف کمشنر اسلام آباد علی رندھاوا الیکشن کمیشن کے روبرو پیش ہوئے۔

سماعت کے دوران سیکرٹری داخلہ الیکشن کمیشن میں پیش نہیں ہوئے جس پر کمیشن نے ان کے خلاف توہین الیکشن کمیشن کا نوٹس جاری کرنے کا حکم دے دیا۔

چیف الیکشن کمشنر نے استفسار کیا کہ سیکرٹری داخلہ کہاں ہیں۔ انہوں نے کہا کہ اگر سیکرٹری پیش نہیں ہو رہے تو آئندہ سماعت پر وفاقی وزیر داخلہ کو ذاتی حیثیت میں طلب کیا جائے گا۔

الیکشن کمیشن کے حکام نے بتایا کہ سیکرٹری داخلہ کو خط بھیجا گیا تھا مگر انہوں نے تعاون نہیں کیا جبکہ وزارت داخلہ کو بھی ارسال کیے گئے خط کا کوئی جواب موصول نہیں ہوا۔

جس پر چیف الیکشن کمشنر نے ہدایت کی کہ سیکرٹری داخلہ کو توہین کمیشن کا نوٹس جاری کیا جائے۔

سماعت کے دوران الیکشن کمیشن حکام نے بتایا کہ حلقہ بندیوں کے آغاز کے لیے ڈی مارکیشن نوٹیفکیشن، اسلام آباد کا نقشہ اور یونین کونسل ممبران کی تعداد درکار ہے۔

چیف الیکشن کمشنر سکندر سلطان راجہ نے کہا کہ آئی سی ٹی انتظامیہ اس معاملے کو سنجیدگی سے نہیں لے رہی جبکہ اسلام آباد میں بلدیاتی انتخابات کا انعقاد براہ راست آئی سی ٹی کی ذمہ داری ہے۔

انہوں نے کہا کہ تین وفاقی وزرا پہلے بھی کمیشن میں آ کر یقین دہانی کرا چکے ہیں، تاہم اب مزید تاخیر قابل قبول نہیں اور کمیشن کو سخت کارروائی پر مجبور نہ کیا جائے۔

الیکشن کمیشن نے چیف کمشنر اسلام آباد کو ہدایت کی کہ وہ آئندہ سماعت پر پیش رفت سے آگاہ کریں، جبکہ کیس کی سماعت آئندہ منگل تک ملتوی کر دی گئی