“ایران پر حملہ نہ کرتے تو ان کے پاس ایٹم بم ہوتا”، صدر ٹرمپ کا تہران کے خلاف فوجی کارروائی جاری رکھنے کا اعلان

امریکی صدر ڈونلڈ ٹرمپ نے دعویٰ کیا ہے کہ ایران پر حملہ نہ کرتے تو جلد ایران کے پاس ایٹم بم ہوتا۔ ایرانی قیادت کا تیزی سے خاتمہ کررہے ہیں۔ وہاں جو لیڈربننا چاہتا ہے مارا جاتا ہے۔ ایران پر حملے جاری رہیں گے۔ ٹرمپ کا راؤنڈ ٹیبل کانفرنس سے خطاب میں کہنا تھا ایران کے میزائلوں اور لانچروں کو تباہ کررہے ہیں، جنگی محاذ پر ہماری کارکردگی بہت اچھی ہے اور صورتحال توقع سے بھی بہتر ہے، ہم ایران کے معاملے میں بہت مضبوط پوزیشن میں ہیں۔ صدر ٹرمپ نے کہا ہم ایران پرحملہ نہ کرتے تو ایران ہم پرحملہ کردیتا، اور جب پاگل لوگوں کے پاس ایٹمی ہتھیار ہوتے ہیں تو بری چیزیں ہوتی ہیں۔ امریکی صدر نے الزام لگایا کہ ایران پڑوسیوں اور اتحادیوں کو نشانہ بنارہا ہے، ہم نے ایران میں 47 سال سے جاری قتل عام کو روکا۔ امریکی صدر نے سابق صدراوباما کی ایران سے جوہری ڈیل پر بھی تنقید کی۔ ادھر وہائٹ ہاؤس کا نے کہا کہ امریکی صدر جانتے ہیں کہ ایران جنگ پر انہیں امریکیوں کی حمایت حاصل ہے، وہائٹ ہاؤس نے یہ دعویٰ بھی کیا کہ اسپین امریکی فوج کے ساتھ تعاون کے لیے رضامند ہے۔۔