LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

پنجاب میں کالعدم تنظیم کے عہدیداروں کے 23 ارب سے زائد اثاثے منجمد

Web Desk

18 November 2025

پنجاب حکومت کے ترجمان کے مطابق کالعدم تنظیم کے مرکزی عہدیداروں کے 23 ارب 40 کروڑ روپے مالیت کے اثاثے منجمد کر دیے گئے ہیں۔ کارروائی میں تنظیم کے 92 بینک اکاؤنٹس سمیت تمام ڈیجیٹل اکاؤنٹس بھی بلاک کردیے گئے۔

وزیراعلیٰ پنجاب مریم نواز کی زیر صدارت امن و امان سے متعلق اجلاس میں کومبنگ آپریشن کو مستقل بنیادوں پر جاری رکھنے کی ہدایت کی گئی۔

ترجمان کے مطابق کالعدم تنظیم کے 9 مالی معاونین کے خلاف مقدمات بھی قائم کر دیے گئے۔ حکومت پنجاب نے انتہا پسند عناصر کے نیٹ ورک کا انفراسٹرکچر توڑتے ہوئے ٹھکانوں سے جدید اسلحہ، گولیاں، بلٹ پروف جیکٹس اور دیگر مواد برآمد کیا، جبکہ احتجاج کی آڑ میں نفرت انگیز فنڈنگ کے تمام ذرائع بند کر دیے گئے۔

حکومت پنجاب نے دیگر صوبوں میں بھی کارروائی کی سفارش کے لیے وفاق سے رابطہ کرنے کا فیصلہ کیا ہے۔ سوشل میڈیا پر ریاست مخالف مواد کے خلاف 31 مقدمات درج کیے گئے ہیں۔

صوبے میں مساجد اور آئمہ کرام کی رجسٹریشن مہم کے دوران 61 ہزار سے زائد فارم تقسیم ہوئے جبکہ 50 ہزار سے زیادہ آئمہ کرام نے باضابطہ رجسٹریشن کروا لی ہے۔ 82 فیصد رجسٹریشن مکمل ہونے پر وزیراعلیٰ نے اطمینان کا اظہار کیا۔

پانچ بڑے وفاق المدارس نے بھی حکومتی مہم پر اتفاق کیا ہے۔ وزیراعلیٰ مریم نواز نے ہدایت دی کہ آئمہ کرام کے احترام کا مکمل خیال رکھا جائے اور انہیں بلاوجہ پریشان نہ کیا جائے۔

انہوں نے واضح کیا کہ پنجاب کے کسی شہر میں وال چاکنگ ہرگز برداشت نہیں کی جائے گی اور تمام ڈپٹی کمشنرز کو اس پر مستقل پابندی کے لیے اقدامات کی ہدایت کی۔

وزیراعلیٰ نے اسلام آباد دھماکے کے تناظر میں صوبے میں سرویلنس مزید سخت کرنے اور ہر ضلع میں ڈرون مانیٹرنگ کے استعمال کا حکم دیا، جبکہ ہراسانی کے واقعات کی ڈرون نگرانی بھی یقینی بنانے کی ہدایت کی۔