سندھ ایپکس کمیٹی ،دہشتگردی، لینڈمافیااورغیرقانونی اسلحے کے خلاف آپریشنز جاری رکھنے کا فیصلہ

وزیراعلیٰ سندھ سیدمرادعلی شاہ کی زیرصدارت اپیکس کمیٹی کا اجلاس۔ صوبائی وزیرداخلہ،کورکمانڈرکراچی اوراعلیٰ سول وعسکری قیادت نے شرکت کی۔

اجلاس میں اسرائیل،امریکا ایران جنگ کے باعث کراچی میں کشیدہ سیکیورٹی صورتحال پر غورکیاگیا۔،،وزیراعلیٰ نے  کراچی میں جانی نقصان کےپیش نظرریاستی رٹ قائم رکھنے، غیرملکیوں کی حفاظت اورٹارگٹڈ کارروائیاں یقینی بنانےکی ہدایات کی۔

وزیراعلیٰ سندھ نےدہشتگردی،منظم جرائم،لینڈمافیا اورغیرقانونی اسلحے کےخلاف مربوط آپریشنزجاری رکھنے کا حکم دیا۔،،انہوں نے سندھ فارنزک سائنس لیبارٹری دسمبر تک مکمل کرنےکی بھی ہدایت کی۔

صوبائی ایپکس کمیٹی اجلاس کے جاری کردہ اعلامیے کے مطابق اجلاس میں سندھ حکومت نے غیر قانونی ہتھیاروں کےخلاف کارروائی کا فیصلہ کیا۔ایپکس کمیٹی کے مطابق غیرقانونی اسلحہ رکھنے والوں کےخلاف کارروائی کی جائے اورتمام غیرقانونی اسلحہ ضبط کیاجائے۔اجلاس میں  سندھ کےکچے کے علاقوں میں ترقیاتی منصوبوں کےلیے9ارب 49کروڑ روپے کی منظوری دی گئی۔