عمران خان کی بہنوں کا اڈیالہ روڈ پر دھرنا، پولیس کا کریک ڈاؤن متعدد افراد گرفتار

راولپنڈی: بانی پاکستان تحریک انصاف سے آج بھی ملاقات کی اجازت نہ ملنے پر اُن کی بہنوں نے اڈیالہ روڈ پر احتجاجی دھرنا دے دیا۔
ذرائع کے مطابق بانی پی ٹی آئی کی قانونی ٹیم اور خاندان کو مسلسل تیسرے روز بھی رسائی نہیں دی گئی، جس کے بعد اہلِ خانہ نے دھرنے کا اعلان کیا۔

پولیس نے موقع پر پہنچ کر مظاہرین کے خلاف کارروائی کرتے ہوئے متعدد کارکنوں کو حراست میں لے لیا۔
ترجمان پولیس کا کہنا ہے کہ ٹریفک کی روانی متاثر ہونے پر کارروائی کی گئی، جبکہ مزید گرفتاریاں بھی متوقع ہیں۔