ایران پر امریکی حملہ قانونی تھا یا نہیں؟ امریکا میں شدید بحث شروع

ایران پر امریکی حملے کے بعد امریکا کے اندر اس اقدام کی قانونی حیثیت پر بحث شدت اختیار کر گئی ہے۔ کانگریس کو پیشگی اطلاع نہ دینے اور امریکی مفادات کے تحفظ سے متعلق مختلف حلقوں میں شدید اختلافِ رائے سامنے آ رہا ہے۔

امریکی وزیر خارجہ مارکو روبیو نے کہا ہے کہ ایران پر حملے سے متعلق بااثر ارکان کو مطلع کیا گیا تھا۔ ان کے مطابق خفیہ پارلیمانی گروپ ’’گینگ آف ایٹ‘‘ اور کانگریسی قیادت کو کارروائی سے آگاہ کیا گیا تھا۔

دوسری جانب ’’گینگ آف ایٹ‘‘ کے رکن اور ڈیموکریٹ رہنما سینیٹر مارک وارنر نے موقف اختیار کیا ہے کہ ایران کی جانب سے امریکا کو کوئی فوری خطرہ لاحق نہیں تھا۔ انہوں نے کہا کہ ایسے فیصلوں میں شفافیت اور کانگریس کی مکمل شمولیت ضروری ہے۔

سیاسی مبصرین کے مطابق اس معاملے پر آئندہ دنوں میں کانگریس میں مزید بحث اور ممکنہ قانونی کارروائی بھی زیر غور آ سکتی ہے۔