خیبرپختونخوا میں سکیورٹی فورسز کے آپریشنز، بھارتی حمایت یافتہ 15 دہشتگرد ہلاک

راولپنڈی: آئی ایس پی آر کے مطابق سیکیورٹی فورسز نے شمالی وزیرستان کے دتہ خیل میں خفیہ اطلاعات پر آپریشن کیا،

جس میں 5 دہشت گرد ہلاک ہوئے۔ علاقے میں کلیئرنس آپریشن جاری ہے۔ایک اور کارروائی ڈیرہ اسماعیل خان کے علاقے کولاچی میں کی گئی، جہاں فائرنگ کے تبادلے میں 10 دہشت گرد مارے گئے۔ ہلاک دہشت گردوں میں 4 افغان باشندے اور خارجی ونگ کے کمانڈر عالم محسود بھی شامل ہے۔ترجمان کے مطابق عزمِ استحکام کے تحت انسدادِ دہشت گردی کی کارروائیاں پوری شدت سے جاری رہیں گی اور ملک سے غیر ملکی حمایت یافتہ دہشت گردی کا مکمل خاتمہ کیا جائے گا۔